«Челси» ярим ҳимоячиси Эден Азар 2016-2017 йилги мавсумдаги энг ёрқин лаҳзасини тилга олди.

«Миши Батшуайи томонидан «Вест Бромвич Альбион» дарвозасига урилган гол. Бу у учун ўзига хос вазият бўлди: захирадан майдонга тушди ва муҳим гол урди. Албатта, бу гол чемпион бўлишимизга ёрдам беради. Шу боис, ушбу вазиятни танлайман.

Иккинчидан, Н'Голо Кантенинг қўлга киритилиш. Н'Голо бутун мавсум давомида жамоамизнинг жуда муҳим ўйинчиси бўлди. У барча индивидуал совринларни қўлга киритишга ҳақли ўйин кўрсатди. Баъзида шундай таассурот уйғондики, биз майдонда рақибга нисбатан бир киши кўпроқмиз.

Учинчидан, Жон Террининг сўнгги турда жамоамиз билан хайрлашиши. Жон Терри каби афсона билан бир жамоада беш йил бирга ўйнаш мен учун шарафли бўлди. Сўнгги ўйинда Жей Ти мухлислар билан хайрлашганида барчамиз ҳиссиётларга тўлдик", — деди Азар.