«Зенит» клубининг португалиялик сардори Данни жамоани тарк этгани ҳақида эълон қилди.

Футболчи шартномаси муддатининг тугаши сабабли эркин агент сифатида Россия клубидан кетадиган бўлди.

«Зенит» таркибида ажойиб 9 йилни ўтказдим. Чуқур қайғу билан жамоани тарк этмоқдаман. Барчага ўз миннатдорчилигимни билдираман» - деб ёзди у инстаграм саҳифасида.

Эслатиб ўтамиз, Мигель Данни 2008 йилда «Динамо»дан «Зенит»га ўтган эди. У жами 256 ўйинда майдонга тушиб, 68та гол урган ва 76та голга ҳаммуаллифлик қилган.