Саудия Арабистонининг «Ал-Аҳли» клуби Қатар авиакомпанияси билан ҳамкорликни тўхтатди.

Жамоа раҳбарияти Qatar Airways билан имзолаган ҳомийлик шартномаси бекор қилди, деб хабар бермоқда lovindubai.

Маълумки, яқинда бир қатор араб мамлакатлари Қатар билан сиёсий алоқаларни узган эди. Форс кўрфазининг митти давлати террорчилик гуруҳларини қўллаб-қувватлаш ва ҳудуддаги барқарорликни издан чиқаришга уринишда айбланмоқда.

Эслатиб ўтамиз, Қатар ЖЧ-2022 мезбони ҳисобланади ва энди унинг ўтказилиши ҳам сўроқ остида қолмоқда.