ЖЧ-2018 саралаш босқичининг Осиё минтақасидан ўрин олган Австралия ва Саудия Арабистони терма жамоалари ўртасида ўйин бўлиб ўтди. Қизиқарли кечган учрашувни ўзбекистонлик ҳакам Равшан Эрматов бошқариб борди.
Танаффусга қадар Томи Журич икки марта "кенгурулар"ни ҳисобда олдинга олиб чиққан бўлса, Довсарий ва Саҳлавий мувозанатни тиклашди. Иккинчи бўлим ўрталарида Том Рогич Австралияга ғалаба келтирувчи гол муаллифига айланди.
Ушбу ғалабадан кейин Австралия ўз очколарини 16тага етказиб, Саудияга етиб олди. Улардан битта кам ўйин ўтказган Япония ҳисобида ҳам шунча очко бор. "В" гуруҳида дастлабки 3та ўрин мана шу терма эгаллаши деярли аниқ бўлиб улгурди. Биринчи ва иккинчи ўринни олган жамоалар тўғридан-тўғри Россия-2018 йўлланмасини йўлга киритса, 3-поғонани банд этган терма жамоа плей-офф босқичларида иштирок этади: дастлаб "А" гуруҳида 3-ўринни олган терма жамоа, бу босқчидан ўтса, кейин КОНКАКАФ минтақасининг тўртинчи термаси билан.
ЖЧ-2018 саралаш. 3-босқич. "В" гуруҳи, 8-тур
АВСТРАЛИЯ - САУДИЯ АРАБИСТОНИ 3:2 (2:2)
Голлар: Томи Журич (7, 36), Том Рогич (64) — Салим ад-Довсарий (23), Муҳаммад ас-Саҳлавий (45+2)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Япония | 7 | 5 | 1 | 1 | 14-5 | 16 |
| 2 | Саудия Арабистони | 8 | 5 | 1 | 2 | 15-8 | 16 |
| 3 | Австралия | 8 | 4 | 4 | 0 | 14-8 | 16 |
| 4 | БАА | 7 | 3 | 0 | 4 | 7-10 | 9 |
| 5 | Ироқ | 7 | 1 | 1 | 5 | 7-10 | 4 |
| 6 | Таиланд | 7 | 0 | 1 | 6 | 3-19 | 1 |
