«Наполи» ҳужумчиси Аркадиуш Милик бу йил таътилга чиқмасликка қарор қилди.
23 ёшли футболчи ўтган йили октябрда оғир жароҳат олиб, февраль ойида майдонга қайтганди. Бироқ жисмоний ҳолатининг маромига етмагани сабабли, кейинги ўйинларда бор йўғи бир неча дақиқа ўйнаганди.
«Айни пайтда мавсумолди тайёргарлиги ҳақида ўйламоқдаман. Мен курашга тайёрман, ўзимни аввалгидан яхшироқ ҳис қилмоқдаман. Бир неча ойни ўтказиб юборган бўлсам-да, руҳий томондан кучлиман. Энди таътилга чиқмай янги мавсумга тайёрланаман. Кейинги мавсумда яна асосий таркибда ўйнамоқчиман» - деди Милик Football Italia хабарида.
