"Манчестер Юнайтед" бош мураббийи Жозе Моуриньо ёзги трансферлар чоғида бешта футболчини жамоасига қўшиб олмоқчи.
Мутахассисни аввало ҳужум чизиғи ташвишлантиряпти, Иброҳимович жамоани тарк этди, Руни ҳам сотилиши мумкин. Яқин икки ҳафта ичида "Реал" ҳужумчиси Альваро Мората ва "Торино" ҳужумчиси Андреа Белотти манчестерликлар сафига ўтишлари мумкин.
"МЮ" Моратани 60 млн фунтга сотиб олмоқчи, Белоттини эса - 70 млн фунтга. Клублар катта нарх сўрамоқдалар, аммо футболчиларнинг хоҳиши катта роль ўйнаши мумкин.
Шунингдек, "МЮ" нигоҳида "Бенфика" ҳимоячиси Виктор Линделёф бор. Ушбу трансфер 13 июнь куни Швеция ва Норвегия терма жамоалари ўртасидаги ўртоқлик учрашувидан сўнг амалга ошиши мумкин.
"МЮ"га "Интер"дан яримҳимоячи Иван Перишич қўшилиши кутилмоқда. Миланликлар футболчи учун 50 млн фунт сўрамоқда, англияликлар бундан 15 млн фунт камроқ таклиф қилмоқдалар.
Моуриньо рўйхатидаги охирги ўйинчи "Монако" яримҳимоячиси Фабиьо бўлиб турибди.
