"Реал" ҳимоячиси Серхио Рамос ўзининг мадридликлар сафидаги охирги мавсуми ҳақида фикр билдирди.

Зидан шогирдлари клублар ўртсаида ЖЧ, Примера ва ЕЧЛ ғолиблигини қўлга киритдилар.

"Ўтган мавсум мен учун энг яхшиси бўлгандир. Мен Испания чемпионлиги ва ЕЧЛ ғолиблигини қўлга киритиб, биринчи "дубль"ни нишонладим. БУ менга келгуси мавсумда янада яхшироқ ўйнашимга туртки бўлади. Айтиш мумкинки, мавсум тарихий бўлди", - дейди Рамос.

Футболчи, шунингдек, "МЮ" бош мураббийи Жозе Моуриньонинг ўзи ҳақида айтган сўзларига муносабат билдирди. "Реал"нинг собиқ устози Мадридга келган чоғида Серхио Рамос ЕЧЛ мусобақасининг чорак финалида ҳали бир марта бўлса ҳам ўйнамаганини айтган эди.

"Бу тўғри,  у келганидан сўнг мусобақанинг 1/8 тўсиғидан ўта бошладик. Шунинг учун мен ҳақимда айтган гаплари тўғри. Аммо ким менга шубҳа қилса, ташриф карточкамга қарасин. Мен ҳеч кимнинг хизматини йўққа чиқармайман. Фаолиятимда ҳар бир мураббийдан ўрганганман - кимдан кўпроқ, кимдан камроқ", - қўшимча қилади Рамос.