Бугун XXIII Ўзбекистон чемпионатининг 9-тур учрашувида “Севинч” Бухоронинг “Бухоро W” жамоасини қабул қилди.
Учрашув қизиқарли ва курашларга бой тарзда ўтди. Тажриба борасида рақибига нисбатан анча устун бўлган жамоамиз, дастлабки 9 дақиқада “Бухоро W” дарвозасига 4та гол киритди.
Биринчи бўлим 7:0 ҳисобида жамоамиз устунлигида якунланди. Ушбу голларни Ильвина Аблякимова, Нилуфар Қудратова, Мафтуна Шойимова, Малика Бурханова, Камола Рискиева, Шахноза Қурбановалар киритишди.
Иккинчи бўлим ҳам голларга бой бўлди. Навбатдаги бўлимда ҳам тўлиқ устунлик қилган футболчиларимиз, рақиб дарвозасига яна жавобсиз 6та тўп киритишди. Иккинчи бўлимдаги голларни Шахзода Жамолова, Феруза Бобохўжаева ва Гулзода Амировалар киритишди.
Бугунги учрашувда Нилуфар Қудратова хет-трик қайд этган бўлса, Малика Бурханова ва Гулзода Амировалар дубл муаллифи бўлишди.
Шундай қилиб, жамоамиз бу турда “Бухоро W” жамоасини 13:0 ҳисобида мағлубиятга учратди. “Севинч” ўтган 9-турда ҳам “Машъал W” устидан худди шу ҳисобда ғалаба қозонган эди.
“Севинч” бу ғалабадан сўнг очколари сонини 18тага етказиб олди ва турнир жадвалининг 2-поғонасини банд этиб турибди.
Жамоамиз кейинги 10-тур учрашувини 20 июн куни сафарда Фарғонанинг “Нефтчи W” жамоаси билан ўтказади.
XXIII Ўзбекистон чемпионати, 9-тур
“Севинч” (Қарши) – “Бухоро W” (Бухоро) 13:0 (7:0)
12.06.2017. “Геолог” стадиони. 18:00да
Бош ҳакам: Давронбек Акмалов (Тошкент)
Қанот ҳакамлари: Кристина Середа (Бухоро), Зилола Раҳматова (Қарши)
Захира ҳаками: Ҳуснора Жумаева (Қарши)
Назоратчи: Июб Исаев (Тошкент)
ЎзАФА вакили: Алишер Файзиев.
Голлар: Ильвина Аблякимова, 3′-1:0, Нилуфар Қудратова, 6′-2:0, 41′-7:0, 84′-13:0, Мафтуна Шойимова, 8′-3:0, Малика Бурханова, 9′-4:0, 51′-9:0, Камола Рискиева (пен.), 23′-5:0, Шахноза Қурбонова, 36′-6:0, Шахзода Жамолова, 48′-8:0, Феруза Бобохўжаева, 59′-10:0, Гулзода Амирова, 65′-11:0, 76′-12:0
“Севинч”: 16.Мафтуна Жонимқулова (1.Лайло Тилавова 46), 7.Олия Ахмедова (19.Шохида Тожиддинова 5), 8.Камола Рискиева (с), 9.Мафтуна Шойимова, 10.Ильвина Аблякимова, 11.Шахзода Жамолова (23.Мафтуна Панжиева 62), 15.Шахноза Қурбонова (14. Гулзода Амирова 59), 17.Танзиля Зарбиева (18.Шахноза Шакирова 50), 20.Севара Нормуродова (27.Шодия Тошева 57), 37.Малика Бурханова (6.Феруза Бобоқулова 52), 77.Нилуфар Қудратова.
“Бухоро W”: 1.Нозигул Ғиёсова, 3.Юлдуз Саидова (26.Муниса Чориева 39), 7.Вазира Ҳайитова, 9.Азиза Норова (с), 10.Зебинисо Мавланова, 14.Нигина Ҳайдарова (20.Соҳибабону Сейтмирова 56, 44.Авезгул Ураева 79) , 15.Дилафрўз Тошпўлатова, 17.Муҳайё Жўраева, 19.Мафтуна Очилова (4.Марҳабо Хайруллаева 86), 70.Сабина Жумаева (18.Дилноза Ниёзова 89), 84.Нилуфар Умарова.
Захира: 87.Дилноза Ниёзова.
Огоҳлантириш: Зебинисо Мавланова 38.
