Эронга қарши бўлиб ўтган ўйинда ҳаммаси ортиқча бўлди. Бу ўйин орқали шунга амин бўлдикки, футболимизда ҳеч қандай ижобий ўзгариш бўлмайди токи керакли ислоҳотлар қилинмагунича. Токи керакли инсонлар бўшатилиб, ўрнига иши, вазифаси нималигини биладиган, вазифасига масъулият билан ёндашадиган ва ТЕРМА ЖАМОАМИЗНИНГ ЖАҲОН ЧЕМПИОНАТИГА ЧИҚИШИНИ АСОСИЙ МАҚСАД ДЕБ БИЛАДИГАН мутахассислар келмагунича. Унгача биз ўтираверамиз ютқазиб.
Шахсан мен дарвоза чизиғида Лобановнинг ўрнини бошқа биров эгаллашига ишонмайман токи бошқа мураббий терма жамоа жиловини қўлига олмагунча. Чунки Бабаян кеча Эронга қарши бўлиб ўтган жуда-жуда муҳим учрашувда семириб кетган Лобановни асосий таркибда майдонга туширди. Ваҳоланки, Игнатий Нестеров, Мурод Зухуровлар бор эди захирада чаққон, семирмаган, ажойиб ҳаракат қила оладиган. Бу шуни англатадики, мураббийларимиз терма жамоамизнинг жаҳон чемпионатига чиқишига тупуриб қўйган. Улар футболчиларимизнинг ғалаба қозонишидан эмас, хўппа семиз Лобановнинг асосий таркибда майдонга тушишишидан роҳат олишади, бунинг сабаби нима, билмадим.
Қолаверса, Игор Сергеевнинг ўрнига ҳам тажрибалироқ ҳужумчи чақирилишига кўзим етмайди токи бошқа мураббий келмагунча. Биз қанча танқид қилмайлик, қанча таъкидламайлик, барибир, Самвел Бабаян Игор Сергеевни захирага михлатмайди, у доим асосийда ўйнайверади. Менимча, ўртада сизу бизга маълум бўлмаган қандайдир келишув борга ўхшайди.
Бундан ташқари, мени яна бир жиҳат, Станислав Андреевнинг ўрни билинадиган ҳимоячига айлангани ҳайратлантиряпти.
