"Барселона" кутилмаган трансферни амалга ошириши мумкин. Каталонияликлар Верратининг трансфери борасида "ПСЖ" билан олиб борилаётган оғир музокаралар туфайли, ўз эътиборларини бошқа футболчига қаратишди. "Кўк-анорранглилар" "Бавария" ярим ҳимоячиси Ренату Саншеш вариантини кўриб чиқмоқда. 19 ёшли футболчи мазкур ёзда "Барса"га ўтиши мумкин.
Португалия терма жамоаси футболчиси Евро-2016 кашфиётига айланганди, аммо у "Бавария"га ўтгач, ўзини кўрсата олмади. Футболчининг агенти Жорже Мендеш "Барселона" билан музокараларни бошлаб юборди. Каталонияликлар Марко Верраттининг ўрнига нисбатан арзонроқ бўлган Ренатуни қўлга киритишлари мумкин. Боз устига, Мюнхен клуби билан музокаралар осонроқ кечади.
Маълумот ўрнида, "Бавария" Саншешни "Манчестер Юнайтед"га сотишга рози бўлганди.