"Barselona" kutilmagan transferni amalga oshirishi mumkin. Kataloniyaliklar Verratining transferi borasida "PSJ" bilan olib borilayotgan og‘ir muzokaralar tufayli, o‘z e’tiborlarini boshqa futbolchiga qaratishdi. "Ko‘k-anorranglilar" "Bavariya" yarim himoyachisi Renatu Sanshesh variantini ko‘rib chiqmoqda. 19 yoshli futbolchi mazkur yozda "Barsa"ga o‘tishi mumkin.

Portugaliya terma jamoasi futbolchisi Yevro-2016 kashfiyotiga aylangandi, ammo u "Bavariya"ga o‘tgach, o‘zini ko‘rsata olmadi. Futbolchining agenti Jorje Mendesh "Barselona" bilan muzokaralarni boshlab yubordi. Kataloniyaliklar Marko Verrattining o‘rniga nisbatan arzonroq bo‘lgan Renatuni qo‘lga kiritishlari mumkin. Boz ustiga, Myunxen klubi bilan muzokaralar osonroq kechadi.

Ma’lumot o‘rnida, "Bavariya" Sansheshni "Manchester Yunayted"ga sotishga rozi bo‘lgandi.