Олий лига 13-туридан ўрин олган “Қизилқум” – “Машъал” (2:0) учрашувидан кейин муборакликлар устози Александр ХОМЯКОВ ўз фикрлари билан ўртоқлашди.

-Учрашувнинг дастлабки 30 дақиқасини яхши ўтказдик, холос. Рақиб биздан ҳайиқдими ёки бошқа сабабми гол уриш учун бир неча вазиятларни ярата олдик. Аммо улардан фойдалана олмадик.  Мезбонлар эса танаффус олди гол уриб имкониятларини яхшилаб олишди. Таркибда маҳоратли футболчилар жамлангани уларга қўл келди. Биз эса иродасиз ўйин кўрсатдик. Умуман олганда мағлубиятга асосий айбдор ўзимман: сабаби таркиб танлашда адашдим. Бунинг учун жамоамиз мухлисларидан узр сўрайман.

-Иккинчи бўлим бошида жамоа сардори Зафар Тўраевни алиштирдингиз. Бу уни биринчи тайм охирида олган жароҳати билан боғлиқми ёки бошқа сабаби борми?

-Агар футболчи ҳамма майдонга чиқиб, оғир ва машаққатли меҳнатдан қочадиган бўлса, биз уларнинг ўрнига кўзи ёниб турган ёшларни майдонга туширамиз.  Биринчи даврадан кейин унинг жамоада қолиш ёки қолмаслигини кўриб чиқамиз.

Бугун ҳужумдаги футболчиларимизнинг ҳаракатларидан ҳайратдаман. Улар ўзларига билдирилган ишончни оқлай олишмади.