Қозоғистонда ўтказилган таэквондо бўйича халқаро турнирда Ўзбекистон терма жамоаси муваффақиятли иштирок этди ва мазкур мусобақада жами 7 олтин, 2 кумуш ва 5 бронза медални қўлга киритди.

Таэквондо (ИТФ) бўйича ўтказилган халқаро турнирнинг турли йўналишларида Ўзбекистон шарафини ҳимоя қилган Владимир Ли терма жамоамиз ҳисобига иккита олтин медални ёздириб қўйди.

Шунингдек, Евгений Ким ва Севги Мансурова биттадан олтин ва бронза медални қўлга киритишди. Жангларда эса Вадим Мун, Андрей Ким, Слава Пак ўз вазн ва ёш тоифаларида биринчи ўринни эгаллади.

Александр Четвериков ҳамда Евгений Ким кумуш медал билан тақдирланган бўлса, Владислав Мамаев, Сергей Нам, Лун Дай каби спортчиларимиз бронза медалига сазовор бўлди.

14 медални қўлга киритган Ўзбекистон терма жамоаси умумжамоа ҳисобида биринчи ўринни эгаллади.