Ўзбекистон футбол федерацияси Ижроия қўмитаси бюросининг қарорига кўра, шу йилнинг сентябрь ойида ташкилотда навбатдаги Конференция бўлиб ўтади.
ЎФФ матбуот хизматининг маълум қилишича, Конференция кун тартибидан ташкилот президентлиги учун сайлов ўрин олади. Сайлов ЎФФ раҳбарлик лавозимларида келгусида кимлар фаолият олиб боришига ҳам ойдинлик киритиб беради.
Конференция кун таритибида, шунингдек, ЎФФ структурасини ўзгартириш ва кадрлар масаласини қайта кўриб чиқиш масаласи, мамлакат футболини ислоҳ қилиш бўйича дастурлар тузиб чиқиш ишлари бўлади.
Қайд этиш керак, ЎФФнинг амалдаги раҳбарияти бир неча соат аввал миллий терма жамоа бош мураббийи Самвел Бабаян ишдан кетмаслигини ва ўз лавозимида камида 5 сентябрга қадар қолишини маълум қилганди.
