Чили терма жамоаси бош мураббийи Хуан Антонио Пицци КК-2017 мусобақасининг 1-турида Камерун устидан қозонилган ғалабадан сўнг фикрларини билдирди.

Учрашувда иккита ҳал қилувчи вазият видеотакрор орқали ҳал қилинди.

"Бўлимлар анча фарқ қилди. Биринчисида жамоа сифатида ҳам, индивидуал ҳолатларда ҳам яхши ўйнадик. Яхши паслар, ҳаракатлар бўлди, рақибга бас кела олдик. Иккинчи бўлимда шу руҳда давом этамиз деб ўйлагандим. Биз рақиб ритмига тушишни истаган эдик. Жамоамиз жуда яхши, ўзига ишончи юқори. Биз голли вазиятлар ярата оламиз, буни кўрдингиз.

Видеотакрорлар? Менимча бунга кўникишимиз учун вақт керак. Бунга кўникиш қийиндир - биз кимдир вазиятни қайта кўришига одатланмаганмиз.

Биз биринчи бўлимда 1:0 ҳисобида олдинда бўлишимиз мумкин эди, аммо ҳисоб 0:0 бўлди, ўйинчиларнинг шашти тушди. Бу стресс. Аммо биз бунга шунчаки ўрганмаганмиз. Яшаб турсак, кўрамиз. Бошқа томондан техника биз одамлар учун вазиятга адолатли баҳо бериш имкониятини тортиқ қилади", - дейди Пицци.