Chili terma jamoasi bosh murabbiyi Xuan Antonio Pissi KK-2017 musobaqasining 1-turida Kamerun ustidan qozonilgan g‘alabadan so‘ng fikrlarini bildirdi.
Uchrashuvda ikkita hal qiluvchi vaziyat videotakror orqali hal qilindi.
"Bo‘limlar ancha farq qildi. Birinchisida jamoa sifatida ham, individual holatlarda ham yaxshi o‘ynadik. Yaxshi paslar, harakatlar bo‘ldi, raqibga bas kela oldik. Ikkinchi bo‘limda shu ruhda davom etamiz deb o‘ylagandim. Biz raqib ritmiga tushishni istagan edik. Jamoamiz juda yaxshi, o‘ziga ishonchi yuqori. Biz golli vaziyatlar yarata olamiz, buni ko‘rdingiz.
Videotakrorlar? Menimcha bunga ko‘nikishimiz uchun vaqt kerak. Bunga ko‘nikish qiyindir - biz kimdir vaziyatni qayta ko‘rishiga odatlanmaganmiz.
Biz birinchi bo‘limda 1:0 hisobida oldinda bo‘lishimiz mumkin edi, ammo hisob 0:0 bo‘ldi, o‘yinchilarning shashti tushdi. Bu stress. Ammo biz bunga shunchaki o‘rganmaganmiz. Yashab tursak, ko‘ramiz. Boshqa tomondan texnika biz odamlar uchun vaziyatga adolatli baho berish imkoniyatini tortiq qiladi", - deydi Pissi.
