"Реал" президенти Флорентино Перес жамоа ҳужумчиси Криштиану Роналду билан боғлиқ воқеаларга муносабатини билдирди.

"Мен Криштиану билан ҳали гаплашмадим. Ҳозирча, сизларга ҳеч нарса дея олмайман. Охирги вақтларда сайловлар билан бўлдим. Бу жараёндан четга чиқишни истамадим.

Ҳаммасини газеталардан ўқидим. Ҳозирча менда қарор йўқ. Криштиануда клуб билан шартнома бор, шунинг учун у "Реал" ўйинчиси. Биз у билан гаплашиб кўрамиз, кўрамиз, нима билан тугар экан.

Ҳозир Криштиану ўз термаси билан жуда муҳим мусобақада қатнашяпти, уни чалғитмоқчи эмасман. Нима бўлганини билмайман, аммо ҳаммаси ғалати кўринмоқда.

Криштиану – яхши йигит ва ҳақиқий профессионал. Бу воқеалар ғалати кўринмоқда. Мен у билан гаплашаман, у ҳаммасини айтиб беради.

Мен ҳамма солиқ тўлаши гарт, деган принципга амал қиламан. Аммо Криштиануда солиқни яшириш мақсади бўлмаган. БУ миш-мишларни матбуотда ўқидим, буларнинг ҳаммаси жонга тегди", - дейди Перес.