Олий Лига 14-тури доирасида Тошкентда амалдаги чемпион «Локомотив» меҳмони бўлган «Динамо» жамоаси 2:0 ҳисобида мағлуб бўлди.
Қайд этиш жоиз, ўйин борасида меҳмонларда кўпроқ имкониятлар юзага келган бўлса-да, вазиятлардан фойдаланиш бобидагина мезбонлар устунлик қилишди.
Дастлабки бўлимнинг ўзида тезкор ҳужумчи Абдумалик Абдуллаев уч бор Игнатий Нестеров билан яккама-якка вазиятига чиқиб борди, аммо омад ундан юз ўгирди. Рақибнинг 18-дақиқага тўғри келган дастлабки ҳужуми эса гол билан якунланди. Икром Алибоев ҳисобни очди, 1:0.
Иккинчи бўлимни ҳам самарқандликлар ҳужумкор бошлади. Абдумалик Абдуллаев яна иккита юз фоизли вазият яратиб, якуний зарбани беришда хатоликка йўл қўйди. 56-дақиқада эса Мурод Бобожонов қарши ҳужумда ҳисобни 2:0 га етказди.
Олий Лига. 14-тур. 20 июнь (сешанба)
«ЛОКОМОТИВ» - «ДИНАМО» - 2:0
Голлар: Икром Алибоев 18, Муроджон Бобожонов 56.
Ҳакамлар: З. Қодиров (Навоий), Р. Фозилов (Наманган), М. Мажидов (Наманган), Д. Жалимов (Тошкент вил.)
Назоратчи: И. Шарипов (Бухоро).
ЎзПФЛ вакили: Ф. Магаметов.
«Локомотив»: Игнатий Нестеров, Кахи Махарадзе, Икром Алибоев (Саламат Қутибоев, 52), Садриддин Абдуллаев (Қувондиқ Рўзиев, 80), Сардор Мирзаев, Темур Кападзе, Муроджон Бобожонов, Шуҳрат Муҳаммадиев, Олег Зотеев, Шерзод Файзиев, Азиз Омонов (Салим Мустафоев, 57)
«Динамо»: Темур Жўраев, Раду Рогак, Алексей Николаев, Миркомил Локаев, Бунёд Исроилов, Фирдавс Абдусалимов, Жасур Азимов (Искандар Холмирзаев, 72), Жавоҳир Қаҳрамонов (Сардор Сулаймонов, 61), Ориф Мамажонов (Саиджамол Давлатжонов, 46), Амиржон Сафаров, Абдумалик Абдуллаев.
