Oliy Liga 14-turi doirasida Toshkentda amaldagi chempion «Lokomotiv» mehmoni bo‘lgan «Dinamo» jamoasi 2:0 hisobida mag‘lub bo‘ldi.
Qayd etish joiz, o‘yin borasida mehmonlarda ko‘proq imkoniyatlar yuzaga kelgan bo‘lsa-da, vaziyatlardan foydalanish bobidagina mezbonlar ustunlik qilishdi.
Dastlabki bo‘limning o‘zida tezkor hujumchi Abdumalik Abdullayev uch bor Ignatiy Nesterov bilan yakkama-yakka vaziyatiga chiqib bordi, ammo omad undan yuz o‘girdi. Raqibning 18-daqiqaga to‘g‘ri kelgan dastlabki hujumi esa gol bilan yakunlandi. Ikrom Aliboyev hisobni ochdi, 1:0.
Ikkinchi bo‘limni ham samarqandliklar hujumkor boshladi. Abdumalik Abdullayev yana ikkita yuz foizli vaziyat yaratib, yakuniy zarbani berishda xatolikka yo‘l qo‘ydi. 56-daqiqada esa Murod Bobojonov qarshi hujumda hisobni 2:0 ga yetkazdi.
Oliy Liga. 14-tur. 20 iyun (seshanba)
«LOKOMOTIV» - «DINAMO» - 2:0
Gollar: Ikrom Aliboyev 18, Murodjon Bobojonov 56.
Hakamlar: Z. Qodirov (Navoiy), R. Fozilov (Namangan), M. Majidov (Namangan), D. Jalimov (Toshkent vil.)
Nazoratchi: I. Sharipov (Buxoro).
O‘zPFL vakili: F. Magametov.
«Lokomotiv»: Ignatiy Nesterov, Kaxi Maxaradze, Ikrom Aliboyev (Salamat Qutiboyev, 52), Sadriddin Abdullayev (Quvondiq Ro‘ziyev, 80), Sardor Mirzayev, Temur Kapadze, Murodjon Bobojonov, Shuhrat Muhammadiyev, Oleg Zoteev, Sherzod Fayziyev, Aziz Omonov (Salim Mustafoyev, 57)
«Dinamo»: Temur Jo‘rayev, Radu Rogak, Aleksey Nikolayev, Mirkomil Lokayev, Bunyod Isroilov, Firdavs Abdusalimov, Jasur Azimov (Iskandar Xolmirzayev, 72), Javohir Qahramonov (Sardor Sulaymonov, 61), Orif Mamajonov (Saidjamol Davlatjonov, 46), Amirjon Safarov, Abdumalik Abdullayev.
