Олий Лига 14-тури доирасида “Локомотив” “Динамо”га қарши баҳс юритиб, 2:0 ҳисобида ғалабага эришди.
Ўйиндан кейин ўтказилган матбуот анжуманида “Локомотив” устози Андрей Микляев қуйидагича фикр билдириб ўтди:
"Ўйин осон кечмади. Рақиб жамоа ҳам бугун бизга етарлича қаршилик кўрсатди. Айқниса, рақиб сафида Абдумалик Абдуллаев ҳимоячиларимизни анча шошириб қўйди. Лекин якунда биз маҳорат бобида устунлик қилдик ва ғалабани ўз томонимизга оғдира олдик.
Бугун жароҳат сабабли бир нечта етакчи футболчиларимиз жамоага ёрдам бера олишмади. Умид қиламанки, улар тез орада сафга қайтиб, яна майдонга туша бошлашади" - деди тажрибали мутахассис.
