«ПСЖ» яримҳимоячиси Блез Матюиди «Ювентус»га ўтиши мумкин.
Туриннинг «Ювентус» клуби олдинроқ Марко Верраттига қизиқаётганди, аммо футболчининг агенти бу трансфер амалга ошиши эҳтимоли жуда паст эканлигини айтганидан сўнг туринликлар Марко бўйича трансфер ишларини тўхтатишди.
«Кекса синьора» яқин орада «Севилья» ярим ҳимоячиси Стивен Нзонзини ўз сафига қўшиб олиши мумкин. Унинг трансфер нархи 40 миллион еврони ташкил этади.
Sky Sport Italia хабарига кўра, туринликлар эндиликда Матюидини сотиб олиш имконияти кўриб чиқишмоқда. Унинг «ПСЖ» билан шартномаси 2018 йилгача мўлжалланган. Шунинг учун парижликлар бу мавсум футболчидан яхшигина пул ишлаш ниятида.
