Ҳимоячи Дани Алвес «Ювентус»ни тарк этаётганини эълон қилди.

«Мен «Ювентус»нинг барча мухлислари, жамоадошларим, клубда ишлаётган профессионалларга миннатдорчилик билдирмоқчиман. Бир йиллик фаолиятим давомида биргаликда ютуқларга эришдик, Чемпионлар лигасида финалгача етиб бордик.

Жамоа янада яхшироқ бўлиши учун бор куч ва эҳтиросимни бердим. Бу эса жамоага ва мухлисларга бўлган ҳурматимни билдиради. «Ювентус» мухлисларидан узр сўрамоқчиман. Улар ўзларини ҳақоратланган деб ўйлаётган бўлишлари мумкин. Лекин менда ҳеч қачон бундай мақсад бўлмаганди. Шунчаки, бу менинг ҳаёт тарзим — кутилмаганда қарор қабул қиламан. Буни ҳар бир одам тушунади. Албатта, мен идеал шахс эмасман, аммо юрагим тоза.

Бугун профессионал муносабатларимиз якунига етмоқда. «Ювентус»ни буюк клубга айлантиришга ҳаракат қилаётганларнинг бир қисмини ўзимда сақлаб қоламан. Биласиз, бу менинг айбим — ҳамиша ўйлаган нарсамни гапираман.

Менга берилган имконият учун жаноб Мароттага раҳмат айтишим керак. У ҳақиқий профессионал ва ўз ишини жуда яхши кўради. Мен футболни фақат пул учун ўйнамайман. Футболга бўлган муҳаббат туфайли унда ишлаётганларни ҳурмат қиламан.

Мен клубга қўшган ҳиссамдан ақл билан фойдаланишингизни истайман. Мен футболни яхши кўраман. Пул эса мени қаергадир йўл олишга мажбур қила олмайди», – дея ёзди Алвес.