КК-2017 яримфиналида Португалия - Чили (0:0 пен. 0:3) баҳсидан сўнг, португалияликлар бош мураббийи Фернанду Сантуш учрашув ҳақида ўз фикрини билдирди.

"Ўйлашимча ўйин жуда қизиқарли ўтди. Майдонга энг кучли терма жамоалар чиқишди. Олдин айтганимдек, Португалия ҳам Чили ҳам финалга чиқишга лойиқ. Биз ўйин яхши бошлай олдик ва рақибни бу билан хайрон қилиб қўйдик. Тўғри биринчи вазият бизнинг дарвозамиз қаршисида содир бўлди, аммо биз ҳам уларга шундай вазият билан жавоб қайтардик. Ундан сўнг ҳам бизда кўплаб вазиятлар бўлди, бироқ улар гол билан якунланмади.

Иккинчи бўлимда эса жамоалар бироз чарчаб қолишди. Пеналтилар церийасида эса Чили ғалаба қозонди. Улар бу ғалабани ҳақли равишда қўлга киритишди. Агарда биз бу ўйинда зафар қучганимизда ҳам бунга ҳақли бўлар эдик. Бироқ унда рақибга омад кулиб боқди. Мен уларни табриклайман.

Мутахассис Роналдунинг мазкур ўйинда ҳужумга нисбатан кўпроқ асисстентликка эътиборини қаратгани ҳақидаги саволга эса қуйидагич жавоб берди: "Роналду ўзи истаган жойда ҳаракат қилди ва жамоа учун кўплаб вазиятларни яратишга муваффақ бўлди".