Германия терма жамоаси бош мураббийи Йоахим Лев Мексикага қарши бўлиб ўтган Конфедерациялар кубоги ярим финал баҳсидан кейин ўз фикрини билдириб ўтди.

– Жуда фаол ўйин бўлди. Мексикаликлар техник жиҳатдан кучли ва тўпни яхши назорат қилишади. Йигитлар илк дақиқаларда олдиндан келишиб олган режамизни амалга оширишгани менга ёқди. Футболчиларим рақибга етакчиликни бериб қўймасликларини кўрсатишди. Жамоанинг ўзи биринчи рақам остида ўйнади ва дадиллик билан олдинга ўтди.

Кейин эса тезлик пасайди ва кўпроқ хатога йўл қўя бошладик. Лекин, умуман олганда, финалга чиқиш — биз учун улкан муваффақият.

– Чилига қарши финал баҳси ҳақида нима дея оласиз?
– Улар билан ўйнадик, бир-биримизни яхши биламиз. Ўйин оғир бўлади. Лекин олдин бироз дам олайлик, тўйиб ухлайлик. Шундан кейин финал ҳақида ўйлаймиз.