Бугун — 4 июль куни футбол бўйича Ўзбекистон Олий лигасида биринчи давра беллашувларига расман якун ясаб берилади.
Чемпионатда иштирок этаётган 14 та клуб 15 тадан учрашувда майдонга тушиб улгурган бўлиб, «Бунёдкор» ва «Насаф» иштирокидаги 3-тур беллашуви ўтказилмай қолиб кетганди. 19:00 да ҳар икки клуб «Бунёдкор» стадионида саф тортади.
Бу ўйиндан сўнг, «Насаф»нинг икки футболчиси клубни тарк этиши мумкин. Дарвозабон Элдор Суюнов ҳамда клуб сардори Шерзод Аъзамов иккинчи даврани катта эҳтимол билан «Пахтакор» таркибида бошлайди.
