Bugun — 4 iyul kuni futbol bo‘yicha O‘zbekiston Oliy ligasida birinchi davra bellashuvlariga rasman yakun yasab beriladi.

Chempionatda ishtirok etayotgan 14 ta klub 15 tadan uchrashuvda maydonga tushib ulgurgan bo‘lib, «Bunyodkor» va «Nasaf» ishtirokidagi 3-tur bellashuvi o‘tkazilmay qolib ketgandi. 19:00 da har ikki klub «Bunyodkor» stadionida saf tortadi.

Bu o‘yindan so‘ng, «Nasaf»ning ikki futbolchisi klubni tark etishi mumkin. Darvozabon Eldor Suyunov hamda klub sardori Sherzod A’zamov ikkinchi davrani katta ehtimol bilan «Paxtakor» tarkibida boshlaydi.