Англия кортларида “Катта дубулға” туркумига кирувчи "Уимблдон" турнири старт олди.
Соврин жамғармаси 31 600 000 фунтни ташкил этувчи турнирнинг эркаклар ўртасидаги баҳсларида иштирок этаётган Ўзбекистоннинг биринчи ракеткаси – Денис Истомин илк даврада мезбон Доналд Янгга қарши кортга тушди.
2 соат 17 дақиқа давом этган баҳснинг биринчи сетида 7:5 ҳисобида ғалаба қозонган ҳамюртимиз кетма-кет икки сетда имкониятни бой берди. Тўртинчи сетда 6 та геймдан сўнг Истомин жароҳат сабаб ўйинни давом эттира олмаслигини маълум қилди. Бу вақтда 4:2 ҳисобида британиялик теннисчи олдинда бораётган эди.
Уимблдон. Биринчи давра
Доналд Янг (Буюк Британия) – Денис Истомин (Ўзбекистон) – 3-1 (5:7, 6:4, 6:4, 4:2* рад)
