Таиланд пойтахти Бангкок шаҳрида бокс бўйича ёшлар ўртасида Осиё чемпионати давом этмоқда. Кеча рингга кўтарилган тўрт нафар боксчимиз яримфинал йўлланмасини қўлга киритишди.
52 кг вазн тоифасида Абдумалик Халаков қирғизистонлик рақиби Темирлан Нурланга ҳеч қандай имконият қолдирмаган ҳолда уни 5:0 ҳисобида мағлубиятга учратди.
60 кг вазн тоифасидаги чорак финал жангида Саиджамдиш Жаъфаров япониялик Таига Иманагадан устун келган бўлса, 69 кгда Фаррух Илҳомов Хитой Тайпейидан келган Ву Ен Юни мусобақадан чиқариб юборди.
81 килограмм вазн тоифасида рингга чиққан Темур Эргашев ҳам ҳиндистонлик рақиби Ашиш Негига ҳеч қандай имконият қолдирмади.
