“Обод” бош мураббийи Рауф Инилеевнинг интервьюсидан маълум бўлишича, Самвел Бабаян молиявий жиҳатдан қийналиб қолган ва тарқатилиш арафасида турган ушбу клуб бошқарувини ўз қўлига олиш борасида клуб ҳомийлари билан музокаралар олиб борган экан.
Буни қаранг: бу ёқда ҳамма терманинг қолган икки учрашуви борасида жон куйдириб ётибди, терма бош мураббийи Бабаян эса ўзига клуб ахтариш билан оввора.
Ўз вақтида Свен Йоран Эрикссон Англия терма жамоаси бош мураббийи бўлатуриб, “Манчестер Сити” ҳомийлари номидан келган соҳта вакиллар (аслида англиялик журналистлар) билан клубга бош мураббий бўлиш таклифини муҳокама қилган. Терма ўйинларини яхшилаш ғамидан кўра, клуб топиш билан оввора бўлгани учун Эрикссон танқидларга учраб, термадан кетказилди.
Англия футбол федерацияси журналистларнинг материалларида акс этган талабларни инобатга олган эди.
Бизда бу борада журналистлар жим. Чунки терма жамоа мураббийи бўлатуриб, терма учун ҳаёт-мамот ўйинлари арафасида ўзига янги клуб қидираётган Бабаянни
