«Барселона» ҳужумчиси Мунир Эл-Ҳаддади жамоани тарк этиши мумкин.
Каталония клуби 21 ёшли марокашлик футболчига ўзига бошқа жамоа излашга рухсат берган. Аввалги мавсумни у «Валенсия»да ижарада ўтказган эди. Унинг трансфер нархи 14 млн еврога тенг.
Айни пайтда футболчи билан «Зенит», «Шальке», «Вест Ҳэм», «Саутҳемптон» ва «Кристал Пэлас» клублари қизиқмоқда. Улар «Барселона»га 8-10 млн евро атрофидаги маблағни таклиф қилган.
Испания чемпионатининг ўтган мавсумида Мунир 33 ўйинда майдонга тушиб, 6та гол урган ва 5та голга ҳаммуаллифлик қилган.
