«Манчестер Юнайтед» ярим ҳимоячиси Хуан Мата Ромелу Лукаку «қизил иблислар»нинг янги футболчисига айланганини юмор билан қарши олди.

«Ромелу Лукакуни табриклайман, у — дунёдаги энг катта бутсалар эгаси», — дея ёзган испаниялик футболчи ўз твиттерида.

«Манчестер Юнайтед» Лукаку билан 5 йиллик шартнома имзолади. Норасмий маълумотларга кўра, трасфер қиймати 75 млн фунтни (85 млн еврога яқин) ташкил этди. У жамоада Златан Ибраҳимовичдан бўш қолган 9-рақамли футболкада тўп суради.

Ушбу трансфер доирасида манчестерликлар ҳужумчиси Уэйн Руни «Эвертон»га бориб қўшилди.

Лукаку якунланган мавсумд «Эвертон» сафида 39 ўйинда майдонга тушган ва 26 гол уриб, 7 голга узатма берган. 24 ёшли ҳужумчи «ирислар» сафида 2013 йилдан буён тўп суриб келаётганди.