«Бухоро» етакчилари аста-секин сафга қайтмоқда.
Жароҳати сабаб биринчи давранинг охирги турларини ўтказиб юборишга мажбур бўлган Кирилл Пасичник жамоанинг Чимёндаги йиғинига келиб қўшилди.
Мухлисларга яхши маълумки, қозоғистонлик легионер биринчи даврада ёмон таассурот қолдиргани йўқ. Шу боис мураббийлар иккинчи даврада ҳам 23 ёшли ҳимоячининг хизматидан фойдаланмоқчи. Эслатиб ўтамиз, Кирилл биринчи даврада «Бухоро» сафида 12та ўйинда (1080 дақиқа) майдонга тушиб, ўз ҳисобига 1та гол ёздириб қўйишга эришди.
Биринчи давранинг кўп ўйинларини жароҳат туфайли ўтказиб юборган Артём Филипосян яқинда Москвага бориб малакали шифокорлар кўригида бўлди.
Мутахассисларнинг айтишича, Артёмга беш кун давомида жароҳатини даволаш тавсия қилинди. Шундан кейин 29 ёшли ҳимоячи индувидиал машғулотларга киришади.
