Испания суперкубоги учун ўтказиладиган ўйинлар санаси аниқ бўлди. Ушбу соврин учун Испания чемпиони «Реал» ва Қироллик кубоги соҳиби «Барселона» кураш олиб боради.
Marca нашри тарқатган хабарга кўра, дастлабки ўйин 13 август куни Барселонадаги «Камп Ноу» стадионида бўлиб ўтса, жавоб ўйини 16 август куни Мадриддаги «Сантьяго Бернабеу»да ўтказилади.
Бундан ташқари, Испания қироллик футбол федерацияси Испания чемпионатининг янги мавсуми бошланиш санасига ойдинлик киритди. Ла лига баҳслари 19 июль куни старт олиб, 20 май куни якунига етади. 2017/18 йилги Испания кубоги финал баҳси 21 апрель кунига белгиланди.