Туркиянинг «Галатасарой» клуби голландиялик яримҳимоячи Уэсли Снейдер билан хайрлашди.
Томонлар ўзаро келишувга кўра, шартномани бекор қилишди. Снейдернинг меҳнат битими 2018 йилгача мўлжалланган, маоши 4,5 млн еврога тенг эди. Келишувга кўра, агар у кейинги уч йил давомида Туркиянинг бошқа клубига ўтса, «Галатасарой»га 20 млн евро тўлашига тўғри келади.
33 ёшли футболчи «Галатасарой» клубига 2013 йилда ўтган. У жамоа таркибида икки марта Туркия чемпиони, уч марта мамлакат Кубоги ва Суперкубогида ғолиб чиққан.
Аввалроқ, футболчининг Италияга қайтиш истаги борлиги ҳақида хабарлар чиққан эди. У 2009-2013 йилларда «Интер» таркибида ўйнаган эди. Энди у билан "Сампдория" ва "Милан" қизиқмоқда.
