Австриядаги Morell Cup турнирида ярим финалга қадар етиб келган Ўзбекистон шифокорлар терма жамоаси финал остонасида мағлуб бўлди.
Бу босқичда ўзбекистонлик докторларга чехиялик ҳамкасблари рақиб бўлди. Учрашув чех шифокорларининг минимал ҳисобдаги ғалабаси билан якунига етди. Қайд этиш керак, Чехия Жаҳон чемпионатининг амалдаги ғолиби ҳисобланарди.
Ўзбекистон термаси энди турнирнинг 3-ўрни учун Швецияга қарши майдонга тушади. Бунга қадар Ўзбекистон Австрия, АҚШ, Бразилия, Буюк Британия каби жамоалар довонидан ўта олганди.