«Барселона» вакили Жозеп Вивес 2016/17 йилги мавсум бўйича иқтисодий ҳисоботни эълон қилди. Унга кўра, жамоа ўтган мавсум рекорд миқдордаги даромадни қўлга киритган — 708 миллион евро. Шундан 18 миллиони соф фойдани ташкил қилади.

Шунингдек, жамоанинг кредит қарзи камайган. Энди клуб бўйнида 247 миллион евро тўланиши керак бўлган кредит қолган. Бу эса ўтган мавсумга нисбатан 24,5 миллион еврога кам. Ўтган мавсумда футболчиларнинг маоши даромаднинг 66 фоизини ташкил қилган.

«Клубнинг молиявий кўрсаткичлари стратегик ўсиш режаларига мос бўлди», — дея баёнот берди Вивес.

"Барселона"нинг стратагик режасига кўра, клуб 2021 йилга келиб 1 миллиард евро даромад олиши керак.

Forbes журнали ўтган мавсумда эълон қилган рейтингда «Барселона» 4-ўринни эгаллаганди. Журнал клубни 3,64 миллиард еврога баҳолаганди. «Даллас Ковбойс» (Америка футбол), «Нью-Йорк Янкиз» (бейсбол) ва «Манчестер Юнайтед» клублари энг қимматбаҳо жамоалар сифатида тан олинганди.