«Арсенал» ҳужумчиси Алексис Санчес яқинда Чемпионлар лигасида иштирок этиш нияти борлигини айтган эди.
Бу гаплар матбуотда футболчи жамоани тарк этмоқчи ниятида деб талқин қилинди. Чунки «Арсенал» жорий мавсумда Чемпионлар лигасида эмас, Европа лигасида иштирок этади.
Бугун «канонирлар» устози Арсен Венгер Санчеснинг бу гапларига изоҳ берди.
«Билишимча, бу гаплари билан у жамоани тарк этмоқчи эканини кўзда тутмаган. Мен унинг гапларига берилган изоҳларни аҳамиятсиз қолдираман. Биз Алексисни сотмаслик ҳақида қарор қабул қилганмиз. Ҳар қандай вазиятда шу қарорга таянамиз» - деди Венгер The Independent хабарида.
