Россиянинг Ставрополь воҳасидаги «Пономарёво» қишлоғида сомондан қурилган стадион очилди.
Истеҳзо тариқасида «Зенит Арена» деб номланган стадион қурилишига 41 минг рубль сарфланди. Бунёдкорларнинг гапига кўра, стадион қурилишида 1 тийин маблағ ҳам ўғирланмади.
«Стадионни 5 кун ичида қуриб битказдик. Уни барпо қилиш учун 4500та сомон кипаси ёки 41 минг рубль сарфладик. Маҳаллий ёшларни футболга қизиқтириш, спортга жалб қилиш учун шу ишга қўл урдик.
Ҳазил тариқасида стадионни «Зенит Арена» деб номладик. Чунки Санкт-Петербургда қурилган ҳақиқий «Зенит Арена»га 48 миллиард рубль сафрланганини, бу пулларнинг катта қисми ноқонуний ўзлаштириб юборилганини эшитган эдик. Бизнинг стадионимиз қурилишида эса 1 тийин ҳам ўғирланмади» - деди фермер Роман Пономарёв.
