Rossiyaning Stavropol vohasidagi «Ponomaryovo» qishlog‘ida somondan qurilgan stadion ochildi.
Istehzo tariqasida «Zenit Arena» deb nomlangan stadion qurilishiga 41 ming rubl sarflandi. Bunyodkorlarning gapiga ko‘ra, stadion qurilishida 1 tiyin mablag‘ ham o‘g‘irlanmadi.
«Stadionni 5 kun ichida qurib bitkazdik. Uni barpo qilish uchun 4500ta somon kipasi yoki 41 ming rubl sarfladik. Mahalliy yoshlarni futbolga qiziqtirish, sportga jalb qilish uchun shu ishga qo‘l urdik.
Hazil tariqasida stadionni «Zenit Arena» deb nomladik. Chunki Sankt-Peterburgda qurilgan haqiqiy «Zenit Arena»ga 48 milliard rubl safrlanganini, bu pullarning katta qismi noqonuniy o‘zlashtirib yuborilganini eshitgan edik. Bizning stadionimiz qurilishida esa 1 tiyin ham o‘g‘irlanmadi» - dedi fermer Roman Ponomaryov.
