«Ювентус» ҳужумчиси Гонсало Игуаин собиқ жамоаси «Наполи»га судда ютқазди.

Аргентиналик футболчи «Наполи»ни унинг тимсолидан фойдалангани учун ҳақ тўламаганликда айблаган эди. Хусусан, у 2014/15 ва 2015/16 мавсумида ўзининг имиж ҳуқуқидан фойдалангани учун «Наполи»дан 600 минг евро ундириб олмоқчи эди.

Бироқ, футболчи ўз талабларини тасдиқлаш учун зарур ҳужжатларни 50 кун ичида тақдим қилолмади. Натижада, унинг аризаси бекор қилинди.

Эслатиб ўтамиз, 29 ёшли ҳужумчи 2016 йил ёзида «Ювентус»га 90 млн евро эвазига ўтиб кетганди.