«Арсенал» ҳужумчиси Алексис Санчес «ПСЖ» клубига ўтишга яқин.
L'Equipe хабарига кўра, футболчи парижликлар билан шартнома борасида келишиб олган. Яқинда «ПСЖ» спорт директори Антеро Энрике Лондонга ташриф буюриб, шахсан у билан музокара ўтказган эди. Унинг якунлари муваффақиятли бўлгани ҳақида манба хабар бермоқда.
Энди жамоалар унинг трансфер нархини келишиб олиши керак. Аввалроқ, «Арсенал» устози Арсен Венгер энг яхши футболчиларни таркибда сақлаб қолишга ҳаракат қилиши ҳақида гапирган эди.