«Челси» бош мураббийи Антонио Конте трансфер бозорида нархлар кўтарилиб кетганига норозилик билдирди.
«Трансфер бозоридагилар ақлдан озмоқда. Оддий футболчини сотиб олиш учун 40-50 млн евро сарфланмоқда. Афсуски, ҳозирги ҳолат шундай. Бунга кўникиш ва янги трансферлар чоғида хатога йўл қўймаслик лозим. Чунки бунда жуда катта маблағлар билан таваккал қилишга тўғри келади. Бундан ташқари, жавобгарлик ҳам бор» - деди Конте.
Эслатиб ўтамиз, «Челси» яқин орада 80 млн евро эвазига «Реал» ҳужумчиси Альваро Моратани харид қилади.
