Яримҳимоячи Жавоҳир Сидиқов “Қўқон-1912” жамоасининг тўлақонли аъзосига айланди.
“Пахтакор”га тегишли бўлган футболчи “Қўқон-1912” сафида ижарада ўйнаб келаётган эди. Тошкентликлар уни эркин агент сифатида қўқонликларга бериб юборишга қарор қилди.
Шунингдек “Пахтакор”дан ижарага олинган дарвозабон Никита Рибкин хам эндиликда ҳуқуқий жиҳатдан жамоага тегишли бўлди. Клуб Рибкиннинг трансферини “Пахтакор”дан сотиб олди.
Яна бир футболчи Андрей Сидоров эса икки томоннинг келишувига асосан «Пахтакор»га қайтиб кетди. Тошкентликлар уни Самарқанднинг “Динамо” жамоасига ижарага берди.
