Футбол оламида бир қатор қизиқарли воқеалар бўлиб туради. Қуйида ана шундай айрим қизиқрали воқеалар ҳақида ўқишингиз мумкин.
1999 йилги Америка Кубогида Палермо уч бора белгиланган пенальтидан самарали фойдалана олмай, антирекорд ўрнатди. Ниҳоят, учинчи 11 метрли жарима тўпи ҳам амалга ошмагач, Мартин иштонининг икки четидан ушлаб қорнига қадар кўтаради ва ўта кулгили ҳолатни намойиш этади.
***
1974 йилги Жаҳон чемпиони, Германия терма жамоасининг собиқ, таниқли дарвозабони Зепп Маер ҳеч хижолат тортмай, иккита хотини борлигини тан олди. Ўз даврининг машҳур ўйинчиси бўлган Маер гоҳ қонуний хотини Агнес хоним, гоҳ “севгилиси” Моника билан яшаб келар экан. “Билд” газетасига интервю берар экан Зепп Маер бу ҳолатни қуйидагича изоҳлаган: “Ҳаётга бир марта келамиз ахир…”
***
1995 йилги Шотландия чемпионатида “Глазго Рейнжерс” таркибида тўп сурган Дункан Фергюссон навбатдаги тур учрашувларидан бирида рақиб ўйинчиси билан тортишиб қолади. Асабларини жиловлай олмаган Дункан рақибини мушт билан “нокаут”га учратади. Ўз-ўзидан жабрланувчи керакли жойга ариза билан мурожаат этади. Глазго суди безори футболчига нисбатан ҳеч қандай ён бисишларга бормади. Фергюссон уч ой муддатга қамоқ жазосига ҳукм этилди. Шотландия футбол федерацияси ҳам қараб ўтирмади. Улар ҳам ўйинчини 12 та учрашувдан четлаштирди. Қамоқ футболчини анча ақлини киритиб қўйди шекилли, Фергюссон яхши ва намунали хулқ-атвори учун 44 кунда озодликка чиқариб юборилди.
