Futbol olamida bir qator qiziqarli voqealar bo‘lib turadi. Quyida ana shunday ayrim qiziqrali voqealar haqida o‘qishingiz mumkin.
1999 yilgi Amerika Kubogida Palermo uch bora belgilangan penaltidan samarali foydalana olmay, antirekord o‘rnatdi. Nihoyat, uchinchi 11 metrli jarima to‘pi ham amalga oshmagach, Martin ishtonining ikki chetidan ushlab qorniga qadar ko‘taradi va o‘ta kulgili holatni namoyish etadi.
***
1974 yilgi Jahon chempioni, Germaniya terma jamoasining sobiq, taniqli darvozaboni Zepp Mayer hech xijolat tortmay, ikkita xotini borligini tan oldi. O‘z davrining mashhur o‘yinchisi bo‘lgan Mayer goh qonuniy xotini Agnes xonim, goh “sevgilisi” Monika bilan yashab kelar ekan. “Bild” gazetasiga intervyu berar ekan Zepp Mayer bu holatni quyidagicha izohlagan: “Hayotga bir marta kelamiz axir…”
***
1995 yilgi Shotlandiya chempionatida “Glazgo Reynjers” tarkibida to‘p surgan Dunkan Fergyusson navbatdagi tur uchrashuvlaridan birida raqib o‘yinchisi bilan tortishib qoladi. Asablarini jilovlay olmagan Dunkan raqibini musht bilan “nokaut”ga uchratadi. O‘z-o‘zidan jabrlanuvchi kerakli joyga ariza bilan murojaat etadi. Glazgo sudi bezori futbolchiga nisbatan hech qanday yon bisishlarga bormadi. Fergyusson uch oy muddatga qamoq jazosiga hukm etildi. Shotlandiya futbol federasiyasi ham qarab o‘tirmadi. Ular ham o‘yinchini 12 ta uchrashuvdan chetlashtirdi. Qamoq futbolchini ancha aqlini kiritib qo‘ydi shekilli, Fergyusson yaxshi va namunali xulq-atvori uchun 44 kunda ozodlikka chiqarib yuborildi.
