Трансферлар ойнасида Лондоннинг "Челси" клуби бир нечта футболчиларни ўз сафига қўшиб олди.
Кеча жамоанинг янги футболчилари ўзлари учун янги рақамларни танлади. Хусусан, ҳужумчи Альваро Мората ўзи учун 9-рақамли футболкани олди. Дарвозабон Вилли Кабальеро эса 1 рақамга эга чиқди.
Шунингдек, яримҳимоячи Темуе Бакайоко лондонликлар таркибида 14-рақамда тўп сурса, ҳимоячи Антонио Рюдигер – 2-рақам остида майдонга чиқади.
Қайд этиш керак, “Челси” клуби раҳбарияти жорий мавсумлар оралиғидаги трансферлар учун яна 280 миллион евро сарфламоқчилиги ҳақида ҳам айтилмоқда.
Жамоа бош мураббийи Антонио Конте ўз жамоасида “Ювентус” ҳимоячиси Алекс Сандро, “Суонси Сити” ҳужумчиси Фернандо Льоренте, “Интер” ярим ҳимоячиси Антонио Кандрева ҳамда “Саутгемптон” ҳимоячиси Виржил ван Дейкни кўрмоқчи.
