Иккинчи даврага ўз қароргоҳида тайёргарлик кўраётган "Андижон" жамоаси назорат учрашувларини ўтказишга ҳам алоҳида эътибор қаратмоқда.
Жумладан 26 июль куни Андижондаги Бўстон даҳасида жойлашган "Андижон" клуби қошидаги футбол мактаби стадионида Усмон Тошев шогирдлари "Норин" жамоаси билан беллашди.
Қизиқарли ва голларга бой тарзда кечган ўйинда майдон эгалари 6:1 ҳисобида ғалаба қозонди.
Учрашувда Анвар Бердиев дублга эришган бўлса, Ойбек Нурматов, Собир Ҳамидов, Шаҳбоз Жумабоев ҳамда Алишер Абдувоҳидов ўз ҳисобларига биттадан гол ёзиб қўйишга эришди.
