Давралар оралиғидаги танаффус ҳамон ўз ниҳоясига етгани йўқ. Шу боисдан кўплаб жамоалар ўртоқлик ўйинларига зўр беришган.
Жумладан, “Локомотив” жамоаси ёшлар таркиби ҳам бир қатор назорат учрашувларида майдонга тушиб келмоқда. Бугун ёш “темирйўлчилар” “Бунёдкор” жамоаси ёшларига қарши баҳс юритишди. Ўртоқлик мақомида кечган беллашув “Бунёдкор” академияси майдонида ўтди.
Қизиқарли курашларга бой кечган баҳсда омад “Локомотив” вакилларига кулиб боқди – 2:1. Жамоа сафида урилган голларга Сергей Прохоров ва Воҳид Юнусов муаллифлик қилишди.
