"Навбаҳор" аъзолари бугун Республика спорт тиббиёти илмий амалий марказида тиббий кўрикдан ўтишди.
Бугундан Тошкент йиғинидаги дастлабки машғулот бошланади. Таркибдаги ўзгаришлар хусусида гап кетганида, жамоа сафига яримҳимоячи Сардор Азимовнинг қўшилишини айтиб ўтиш жоиз.
Мавсум биринчи ярмини “Бунёдкор” клубида ўтказган футболчи бир йиллик танаффусдан сўнг яна “Навбаҳор”га қайтди.
2016 йилги чемпионат биринчи даврасини "Навбаҳор"да ўтказган яримҳимоячи ўзининг чиройли ўйинлари билан кўпчилик эътиборини қозонганди. Айнан шундан сўнг “Бунёдкор” клуби раҳбарлари Азимовни ортга қайтаришга қарор қилишган. Энди у иккинчи даврани яна “Навбаҳор”да ўтказадиган бўлди.
