"Navbahor" a’zolari bugun Respublika sport tibbiyoti ilmiy amaliy markazida tibbiy ko‘rikdan o‘tishdi.
Bugundan Toshkent yig‘inidagi dastlabki mashg‘ulot boshlanadi. Tarkibdagi o‘zgarishlar xususida gap ketganida, jamoa safiga yarimhimoyachi Sardor Azimovning qo‘shilishini aytib o‘tish joiz.
Mavsum birinchi yarmini “Bunyodkor” klubida o‘tkazgan futbolchi bir yillik tanaffusdan so‘ng yana “Navbahor”ga qaytdi.
2016 yilgi chempionat birinchi davrasini "Navbahor"da o‘tkazgan yarimhimoyachi o‘zining chiroyli o‘yinlari bilan ko‘pchilik e’tiborini qozongandi. Aynan shundan so‘ng “Bunyodkor” klubi rahbarlari Azimovni ortga qaytarishga qaror qilishgan. Endi u ikkinchi davrani yana “Navbahor”da o‘tkazadigan bo‘ldi.
